ಒಪ್ಪಂದ..!!

ದಿನ ಕಳೆದಂತೆ ನೀ ನನಗೆ ಸಿಗದಿರೆ 

ಅದುವೇ ಸಂಜೆಗಾದಂತ ಗಾಯ;

ತಂಗಾಳಿಯ ಮಧ್ಯೆ ತಬ್ಬಿದಿಬ್ಬನಿಯಂತೆ

ಸಿಕ್ಕರದುವೇ ನಲ್ಮೆಯ ಸಹಾಯ..

       ಬೆಳಕಿನೋಕುಳಿಯದು ನೇಸರನ ಇಂಗಿತವು

       ನಾ-ನೀನು ರಂಗೇರಲೆಂದು;

       ಇಣುಕಿಣುಕಿ ಬಂದಿಹನು ಚಂದಿರನು ನೋಡಲ್ಲಿ

       ಪ್ರಣಯಕ್ಕೆ ಕಂದೀಲು ತಾನೆಂದು..

ಬೆರಳಿಗೆ ಬೆರಳನ್ನು ನೇಯ್ಗೆಯ ಮಾಡೋಂತ

ಕಸೂತಿ ಈಗಷ್ಟೇ ಕಲಿತೆ;

ಪ್ರಾವಿಣ್ಯತೇಗೂ ನಂಟಾಗಿರೋಂತ

ನಿಪುಣ ನಾನಾದೆನಂತೆ..!

         ಇಳಿಸಂಜೆ ತಿಳಿಯಾಗಿ ನಳನಳಿಸಿದಂತಾಗಿ

         ತಲುಪಿಸಿರೋ ಕಳಕಳಿಯು ಒಂದೇ;

         ನನ್ ತೋಳು ನಿನ್ ತೋಳು ಬೇರಲ್ಲ ಅಂತ 

         ಆಗಬೇಕೊಪ್ಪಂದ ಇಂದೇ..!!