ಬಾಲ್ಯ...ದೈವ ಭಿಕ್ಷೆ..

ಶುಭ್ರ ಮನಸಿನ ಕಪಟವರಿಯದ
ನಗುಮೊಗದ ದಿವ್ಯ ಸೃಷ್ಟಿ;
ಕೊಂಚ ಕೊಂಕಿಲ್ಲ, ಮೋಸವದು ಸಲ್ಲ,
ಬಾಲ್ಯ ಲೋಕವು ಸಮಷ್ಠಿ..
                 ಸಣ್ಣ ನಗುವೂ ಭರಪೂರ ಹಾಸ್ಯ
                 ಮುಕ್ತ ಮನದ ಸಂತೋಷ;
                 ಭಾವ ವ್ಯಕ್ತಿಸಲು ಹಿಂಜರಿಕೆಯಿಲ್ಲ
                 ಸಂತೃಪ್ತಿಯದೆ ಮಂದಹಾಸ..
ಸುಳ್ಳೆoದರೇನು!? ನಾ-ನೀನೆಂದರೇನು!?
ಸಂಘಟಿತ ದಿವ್ಯಭಾವ;
ಪ್ರತಿ ನಡಿಗೆಯದು ಜೊತೆ ಸಾಗೋ ಮಂತ್ರ
ಕಣ್ಣಾಗದೆಂದೂ ತೇವ..
                 ಬಾಲ್ಯ ಹಂತವದು ದೈವ ಭಿಕ್ಷೆ
                 ಬಾಳ ಶುರುವಾತಿಗೆಂದೇ;
                 ಜೀವನದ ಪೂರ ಉಳಿಸಿಕೊಂಡ್ ಹೋಗೆ
                 ಸ್ವರ್ಗ ನಮ್ ಕಣ್ಣ ಮುಂದೆ..
                 ಸ್ವರ್ಗ ನಮ್ ಕಣ್ಣ ಮುಂದೆ..