ನನ್ನ ಊಹೆಗಳನೆಲ್ಲ
ದಾಟುತಲಿ
ಭಾವ ಶಿಖರ ನನ್ನೊಂದಿಗೇರುತಲಿ
ಸಂಗ ಸಹಚರಿಸಿ
ಚಿಂತೆ ದೂಡುವ
ನೀನೆ ತಾನೆ ನನ್
ಅದ್ಭುತ...
ಕಂಡ ಕನಸ ಸಂಪನ್ನವಾಗಿಸುತ
ಎಲ್ಲ ಮಾತಲಿಂಪನ್ನೆ ಆಲಿಸುತ
ಬಾಳ ಪಥದಲ್ಲಿ ಮುದವ ತುಂಬಿರುವ
ನೀನೆ ತಾನೆ ನನ್ ಅದ್ಭುತ...
ನಿನ್ನ ಗುಣವದಾಶ್ಚರ್ಯ
ಚಿಹ್ನೆ
ನಿನ್ನ ನಗುವೆ
ನೆಮ್ಮದಿಯ ಸೋನೆ
ಸಕಲ ಗೆಲುವಿಗೆ
ಸ್ಫೂರ್ತಿಯಾಗಿರುವ
ನೀನೆ ತಾನೆ ನನ್
ಅದ್ಭುತ...
ದೈವವೇ ಹರಸಿದ ವರದಂತೆ ಸಂಭವಿಸಿ
ಅನುಗಾಲ ಒಳಿತಿನ ನಂಬಿಕೆಯನಿರಿಸಿ
ಚೈತನ್ಯ ಚಿಲುಮೆಯ ಧಾತುವಂತಿರುವ
ನೀನೆ ತಾನೆ ನನ್ ಅದ್ಭುತ...
ನೀನೇ ತಾನೇ ನನ್ ಅದ್ಭುತ...
