ಕವಿಯಲ್ಲ.!

ಕವಿಯಲ್ಲ ಕವಿಯಲ್ಲ ಎಂಬೆಂದು ಹೇಳುತಲಿ
ಗೀಚುತ್ತಲೇ ಇದ್ದಂತ ಭಾವತುಣುಕು,
ತಿಳಿಯದೆ ದಾಟುತಲಿ ಭಾವನೆಯ ಪರಿಧಿಯನು
ಕಂಡಿಹುದು ಬರವಣಿಗೆ ದಿವ್ಯ ಬೆಳಕು.
ಇನ್ನೆಲ್ಲಿ ನಿಲುಗಡೆ, ಇನ್ನೆಲ್ಲಿ ಅಡೆತಡೆ,
ಇನ್ನಂತು ಸಂಚಲನ ಪುಟಗಳಲ್ಲಿ;
ಭಾವನೆಯ ಸರಪಳಿ ಮೇಳೈಸಿಕೊಂಡು
ಮೂಡಿಹುದು ಜೀವವದು ಕುಸುರಿಯಲ್ಲಿ..

ಪ್ರೇಮಿಗಳ ಪ್ರಸವಬೇನೆ..!

ಪ್ರೇಮಿಸುವವರಿಗೆ,
ಸದಾ ಭಾವನೆಗಳ ಪ್ರಸವಬೇನೆ!!
ಜೊತೆ ಜೊತಗೆ ಖುಷಿಯಲ್ಲಿ ತೇಲುವಾಗ
ಸುಸೂತ್ರ ಹೆರಿಗೆ;
ಬೇಸರ-ಕೋಪದಲ್ಲಿರುವಾಗ
ಗರ್ಭಪಾತ.!!