ಬಾಳ ನಾವೆ..!

ಬಂದದ್ದು ಬರಲಿ ಸಿಕ್ಕಷ್ಟು ಸಿಗಲಿ,

ಎಂಬಂತೆ ಬದುಕುವುದು ನಾವೆ;

ಬಿರುಗಾಳಿ ಬಂದರೂ ಅಲೆ ಚಿಮ್ಮಿ ನಿಂತರೂ,

ಅಲುಗಾಡದು ನಮ್ ಬಾಳ ನಾವೆ..

ಏಕಮೇವ..!

 ಬೆರಳ ತಾಕಿಸಿ ಸನಿಹ ಸಾಗಲು

ಮನದಿ ಮೂಡಿದೆ ಪ್ರಳಯ,

ನಿನ್ನ ಮಯ್ಯದು ನನ್ನ ಆನಲು

ಹೇಳಲಾಗದ ಪ್ರಣಯ.. 

       ಅಚ್ಚುಮೆಚ್ಚು ಹುಚ್ಚು ಮೋಡಿ

       ನಿನ್ನ ತೋಳಿನ ಸಲುಗೆ,

       ಎಚ್ಚರಿಕೆಗೆ ಸ್ಥಳವದೆಲ್ಲಿ

       ನೇರ ಒಡಲೆಂಬ ಸುಳಿಗೆ..

ನಡುಕವೆಂಬ ಭಾವ ಪರಿಚಯ

ನಿನ್ನ ಕೈ ಹಿಡಿದಮೇಲೆ,

ಭಯದಿ ಬೆವರೊ ಹಂತ ದಾಟಿ

ಮಿಲನ ಸರಾಗಲೀಲೆ..

       ನಾನು-ನೀನು ಎಂಬ ಭಾಷೆಗೆ

       ಸ್ಥಳವದು ಇನ್ನೆಲ್ಲಿ!?

       ಏಕಮೇವವಿನ್ನದಮ್ಯ

       ಬಾಳ್ವೆ ಮೇಳವಿಲ್ಲಿ..