ಗೆಜ್ಜೆಯ ಕರೆ..!

ಕಂದಮ್ಮನು ತಾ ಅಮ್ಮನ ಕರೆಯಲು
ಕಾಲ್ಗೆಜ್ಜೆಯ ದನಿ ಮೊಳಗಿಸಿರೆ,
ಅಮ್ಮನಿಗೇನೊ ಆ ದನಿಯಂತು
ಸಂಗೀತದ ರಸದೌತಣವು..

           ಮಗಳು ಮನೆಯಲ್ಲಿ ಆಟವನಾಡುತ
           ಪುಟಿಯಲು ಗೆಜ್ಜೆಯ ಮಾರ್ದನಿಯು,
           ಅಪ್ಪನಿಗೇನೊ ಎಲ್ಲಿಲ್ಲದ ಖುಷಿ
           ಅದುವೇ ನಾಟ್ಯದ ಅನುಭವವು..

ಪ್ರಿಯಕರ ಪ್ರೇಯಸಿ ಪಾದವ ಪಿಡಿದು
ಗೆಜ್ಜೆಯ ತೊಡಿಸುತ ಮೋಹಿತನು,
ಪ್ರೇಯಸಿ ನಾಚುತ ಬೆರಳಲಿ ಬರೆಯಲು
ಪ್ರಿಯಕರನೆದೆಯಲಿ ರಿಂಗಣವು..

            ನಟರಾಜನು ತಾ ನೂಪುರ ತೊಟ್ಟು
            ನಾಟ್ಯದ ಮೋದನ ಉಣಿಸಿದನು,
            ರಾಗದ-ಲಯಕೆ ಲಯದಾ-ತಾಳಕೆ
            ಜೀವವ ತುಂಬಿ ತಣಿಸಿದನು...
            ಧರೆಯನು ಚೇತನಗೊಳಿಸಿದನು..