ಹೈಕುಗಳು

ವ್ಯಕ್ತಿತ್ವದ ಕನ್ನಡಿಯಂತೆ, ಮನಸ ಬಿಂಬಿಸುವ ಪರದೆಯಂತೆ,
ಸೋಜಿಗ-ಸಂತೋಷ-ಸಂತಾಪ ಎಲ್ಲದಕೂ ಒಂದೇ ನಿಮಿತ್ತ ತಾಣದಂತೆ ಮೆರೆಯುವ;
ಭಾವ ಸೂಚಕ ಮಾಪನ --ಕಣ್ಣು..


ಗಂಧ-ದುರ್ಗಂಧ ಸೂಚಿಸೊ ಜಂಟಿ ಕೊಳವೆ,
ಜೀವ ಧಾತು ಉಸಿರು-ಹೃದಯದ ಸೇತುವೆ,
ಬಿನ್ನಾಣಗಿತ್ತಿಯರ ಮೂಗುತಿ ಮೆರೆಯೊ ರಮಣೀಯ ತಾಣ--ಮೂಗು


ಕಿರುನಗೆಯ ತವರೂರು, ಭಾವ ಭಂಗಿಗಳು ನೂರಾರು,
ಮುಖಾರವಿಂದವ ಅರಳಿಸೊ ಶಕ್ತಿಕೇಂದ್ರ;
ನಲ್ಲ-ನಲ್ಲೆಯರ ಮೋಹಕ ತಾಣ,
ನೆಮ್ಮದಿ ಮನಸಿನ ನಲ್ಮೆಯ ಸೂಚಕ--ತುಟಿಗಳು