ಸೂಜಿಗಲ್ಲಿನ ಕ್ಷಣಿಕತೆ

ವಿಶಾಲ ಬಾಳ ಸಾಗರದಿ
ಬಾಂಧವ್ಯ-ಭಾವನೆಗಳು ಅನಂತ;
ಆಧುನಿಕ ಯಂತ್ರಗಳು ಅಲ್ಲೊಂದು
ಸಣ್ಣ ಕಾಗದದ ದೋಣಿ.!
ಆದರೆ ಅದೊಂದು ಆಕರ್ಷಣೀಯ,
ಭಾರೀ ಸೆಳೆತ ಹೊಂದಿದ ಸೂಜಿಗಲ್ಲು.
ಮನುಜ ಮುಳುಗಡೆ-
ಭಾವ ಸಾಗರದಲ್ಲಲ್ಲ, ಸೂಜಿಗಲ್ಲಿನ ಆಳದಲ್ಲಿ.
ಬಾಂಧವ್ಯದ ಬೆಲೆಯೇನು?
ತನ್ನಸ್ತಿತ್ವದ ನೆಲಯೇನು?
ಎಂಬುದನರಿವಷ್ಟರಲ್ಲಿ; ಬಾಂಧವ್ಯ
ಕಳಚಿದ ಕೊಂಡಿ ಹುಡುಕುತ-
"ಕಾಪಾಡಿ" ಎಂದು ಕೈ ಚಾಚುವ ಪರಿ
ಅದೆಷ್ಟು ದಾರುಣ..
ಸೂಜಿಗಲ್ಲ ಕಾಗದದ ದೋಣಿ ಕ್ಷಣಿಕ ತೇಲಿ-
ಒದ್ದೆಯಾಗಿ ಮುಳುಗುವ ಮುನ್ನ,
ಎಚ್ಚೆತ್ತುಕೊಂಡು ಬಾಳ್ವೆ ನಡೆಸೋಣ
ಅರಿಯುತ ಬಾಂಧವ್ಯವೇ ಬೆಳಗೋದು ಬಾಳ್ವೆಯನ್ನ..