ಬದುಕು..!!!

ಬದುಕು ಹೊಲಿಗೆ ಕಳಚಿದ ತುಂಡು ಬಟ್ಟೆ - 

ತೇಪೆ ಕಾರ್ಯವೇ ನಿರಂತರ ಕಸುಬು;

‘ಈಗ ಸರಿ’ ಎಂದರದೇ -

ಮುಂದಿನ ರಂಧ್ರದ ಬುನಾದಿ!

ಬಾಳೊಂದು ಏಕತಾನತೆಯ ಅರಿವೆ

ಅಂದುಕೊಂಡದ್ದೆ ಸುಳ್ಳಾಯ್ತೆ.!?

ಸಾವಿರ-ಸಾವಿರ ಬಣ್ಣ-ಬಣ್ಣದ

ಓರೆಕೋರೆಗಳ ದಂಡಂಥ ಕೌದಿಯದು..!

‘ಚಿತ್ತಾರ ಬಣ್ಣಗಳ ಚೆಂದವದು ಆಹಾ’ - 

ಎಂದು ಖುಷಿಯಲ್ಲಿ ಬೀಗುವುದೋ?

ಇಲ್ಲ, ಹುಳುಕಿನ ರಂಧ್ರಗಳ ಮುಚ್ಚಿರುವ

ನೊಂದ ಹಲವು ಭಾವಗಳ ಗೋರಿಗಳೋ !?

ತೇಪೆ ಸಹಿತ ಬಾಳ್ವೆಯಲ್ಲಿ ಬಿರುಕು ರಹಿತ ಬಾಳಲು,

ನೆಮ್ಮದಿಯೇ ನೂಲು ಸಾಂತ್ವನವೇ ಸೂಜಿ..