ಯೋಗಸಾಹಿತ್ಯ

ಯೋಗಸಾಹಿತ್ಯ
ಭಾವನೆಗಳ ಅಂಗಳದಲಿ ಪದಗಳ ಓಡಾಟ...!!

Monday, April 27, 2020

ಸನಿಹಕಾಗಿ ಬಿನ್ನಹ

ಹೂವೊಂದು ನಾಚಿತು

ನಿನ್ನ ಚೆಲುವ ನೋಡಿ,

ಕೋಗಿಲೆಯು ಮರುಗಿತು

ನಿನ್ನ ದನಿಯ ಕೇಳಿ.

       ಮಿಂಚಂತೂ ಮಲಗಿತು

ನಿನ್ನ ನಯನ ನೋಡಿ,

ಬಳ್ಳಿಯಂತು ಒಣಗಿತು

ನಿನ್ನ ನಡುವ ನೋಡಿ.

ಜೋಗದ ಸಿರಿ ಕುಗ್ಗಿತು

ನಿನ್ನ ನುಣುಪ ನೋಡಿ,

ನವಿಲೊಂದು ಅಲೆಯಿತು

ನೀನು ನಡೆಯೆಂದು ಕಾಡಿ.

ನಾನಂತೂ ಬಂದೆನು

ನಿನ್ನ ಒಲವ ಅರಸಿ,

ಹಾತೊರೆದು ನಿಂತೆನು

ನಿನ್ನ ಸನಿಹ ಬಯಸಿ..

No comments:

Post a Comment