ಏನೆಂದು ಬಣ್ಣಿಸಲಿ ಪ್ರಿಯೆ ನಿನ್ನ?

ಮುದ್ದು ಕೋಮಲದ ಹೂವೆಂದು ಬಣ್ಣಿಸಲೆ?
              ಮಬ್ಬಾದೊಡನೆ ಕೋಮಲತೆಯು ಮಾಸುವುದಲ್ಲೆ!
ಹೊಳೆಯುವ ಉಷೆಯೆಂದು ಬಣ್ಣಿಸಲೆ?
ಮೋಡದ ಮರೆಗದರ ಕಾಂತಿ ಕುಗ್ಗುವುದಲ್ಲೆ!
ಬೆಳದಿಂಗಳ ಚಂದ್ರನೆಂದು ಬಣ್ಣಿಸಲೆ?
ಗ್ರಹಣದ ಗ್ರಹಚಾರವು ಅದನೂ ಕಾಡುವುದಲ್ಲೆ!
ಸಹ್ಯಾದ್ರಿಯ ಸೊಬಗೆಂದು ಬಣ್ಣಿಸಲೆ?
ಮಾನವನ ಚಪಲಕ್ಕೆ ಕೊಲೆಯಾಗುತಿಹುದಲ್ಲೆ!
ಜಲರಾಶಿಯ ಬಳುಕೆಂದು ಬಣ್ಣಿಸಲೆ?
ಕಲುಷಿತದಿಂದ ಆವೃತವಾಗಿದೆಯಲ್ಲೆ!
ಏನೆಂದು ಬಣ್ಣಿಸಲಿ ಪ್ರಿಯೆ ನಿನ್ನ?
ನಿನ್ನ ಸೌಂದರ್ಯದ ಆರಾಧಕನನ್ನಾಗಿ ಸ್ವೀಕರಿಸು ನನ್ನ..