ಮನೆ..!!

ಮನೆಯೆಂದರೆ ಬರಿ ನೆಲೆಯಲ್ಲವದು -

ಕನಸು ನನಸಾದ ವಾಸ್ತವದ ಅರುಹು,

ಬಯಕೆ-ಬವಣೆಗಳ ಫಲಿತಕದೇ ಕುರುಹು,

ಭಾವಗಡಲ ಮಿಲನ ಸೂಚಿ

ತ್ಯಾಗದೊಪ್ಪಂದ ನದಿಯ ಸರಹು..

ಮನೆಯೆಂದರೆ ಬರಿ ನೆಲೆಯಲ್ಲವದು -

ಸ್ವಂತ ಸೂರಿನದ್ದೇ ಮೆಲುಕು,

ಆಸೆಯಳತೆಗೆ ಇಲ್ಲ ಅಳುಕು,

ಇಷ್ಟಾರ್ಜಿತಕ್ಕೆ ಕೈಯ ಚಾಚಿ

ಹಂತ-ಹಂತ ಜೀವಂತ ಸೆಳಕು.

ಮನೆಯೆಂದರೆ ಬರಿ ನೆಲೆಯಲ್ಲವದು -

ಪ್ರತಿ ಗೋಡೆಯಾ ಹಾಸ,

ನೆಲ-ಮಾಳಿಗೆ ಖಾಸಾ,

ಕಾರ್ಪಣ್ಯವೇ ಕೊಂಚ ನಾಚಿ

ಸಾಧನೆ-ಶಿಖರ ತಲುಪಿದ ಭಾಸ..

ಮನೆಯೆಂದರೆ ಬರಿ ನೆಲೆಯಲ್ಲವದು -

ನಿಟ್ಟುಸಿರಿನ ಅನಾವರಣ,

ಸೋಲೊಪ್ಪದ ನಿರಾಕರಣ,

ತೀವ್ರ ಸಾಧನೆಯ ಬಾಲಂಗೋಚಿ

ಫಲಿಸಿ ಶ್ರುತಿಸೋ ಅಂತಃಕರಣ..