ಯೋಗಸಾಹಿತ್ಯ

ಯೋಗಸಾಹಿತ್ಯ
ಭಾವನೆಗಳ ಅಂಗಳದಲಿ ಪದಗಳ ಓಡಾಟ...!!

Thursday, June 19, 2025

ತುರ್ತು ಗಮನ..!!

ನನ್ನೆಡೆಗೆ ಇಗೋ ಬೇಕಿದೆ 

ನಿನ್ನ ತುರ್ತು ಗಮನ,

ಎದೆಬಡಿತದ ಲಯದ ಕೊರತೆ

ನೀಗಿಸೋ ನಿನ್ನಾಗಮನ..

           ಅತೀವ ಸೆಳೆತ ನಿನ್ನ ನೋಟ

           ತೀಕ್ಷ್ಣ ಕೇಂದ್ರ ಬಿಂದು,

           ಸಸಾರವೆನಿಸೋ ಉಸಿರಾಟಕೂ

           ಕ್ಲಿಷ್ಟ ಸ್ಥಿತಿಯು ನಂದು.!

ರೂಢಿಯಲ್ಲಿ ಕಂಡರಿಯದ

ಸುಪ್ತ ಹರ್ಷದಂತೆ,

ಗಾಢವಾಗಿ ನೆಲೆಯೂರಿದೆ

ನಡೆಸಿ ಒಲವ ಸಂತೆ..

            ದೂರ ಭಾರ ಸಹಿಸಲೊಲ್ಲೆ

            ವಿರಹ ಇರಿವ ಬಾಕು,

            ಅಡಿಗಡಿ-ಅಣುರೇಣುವಿಗೂ

            ನಿನ್ನ ಸನಿಹ ಬೇಕು,

            ಸನಿಹದೊಸಗೆ ಸಾಕು..!

1 comment: