ಅಲೆ...

ಕಡಲ ಮೇಲಿನ ಅಲೆಗಳವು

ಚಂದಿರ ಭುವಿಗೆ ಬರೆದ ಕವಿತೆಯ ಸಾಲು,

ತೀರದಪ್ಪುಗೆಯ ನೀಡೆ ತಂದಿಹನು

ಭಾವದೇರಿಳಿತಗಳ ಬೆಚ್ಚನೆಯ ಶಾಲು..

ಒಂದರ ಹಿಂದೆ ಸಾವಿರ ಸರದಿ

ಒಲೈಸೋ ಆಸೇಲೂ ಬೆಂಬಿಡದ ಸವಾಲು,

ಕಂದರದ ಹಂದರದಡಿ ತುಡಿವ-

ಅಲೆಗಳವು ಭುವಿಗಾಲಿಂಗನದ ರುಮಾಲು..

ಸೂರ್ಯಾಸ್ತದ ಆದಿಗೆ ಶುರುವು

ಶಶಿ ಭುವಿಯ ವರಿಸುವ ಕಮಾಲು,

ಅಲೆಗಳೆತ್ತರವು ಧುಮ್ಮಿಕ್ಕಲು

ಅನುರಣಿಸಿದೆ ಭಾವೋತ್ಕಟತೆಯ ಖಯಾಲು.

ಚಂದಿರ ಭುವಿಯ ಮೈಹೊಳಪಿಗೆ

ಬೆಳಗಿದನು ಕಣ್ಮಿಂಚಿನ ಕಂದೀಲು;

ಆಯಸ್ಕಾಂತೀಯ ಸೆಳವಿಗೆ,

ಆಮಂತ್ರಣದ ನಲಿವಿಗೆ -

ರಂಗೋಲಿ ಬಿಡಿಸಲು ಭೂರಮೆಯ ಅಂಗಾಲು

ಅಲೆಗಳಪ್ಪಳಿಸಲು ಕಡಲ ಒಡಲ ಮಡಿಲೆಲ್ಲವು ಕಂಗಾಲು..