ದೇಶ ನಮ್ಮದು - ಭಾರತ

ದೇಶ ನಮ್ಮದು
ದೇಶ ನಮ್ಮದು
ದೇಶ ನಮ್ಮದು ಭಾರತ,
ಎನಿದೆಂತದು, ದುಷ್ಟ ನೀತಿಯು;
ಭ್ರಷ್ಟವಾಗಿದೆ ಅವಿರತ..
     ಯುವ ಜನಾಂಗವು ತುಂಬಿ ತುಳುಕಿದೆ,
     ಏಕತೆಗೆ ಕೊರತೆಯು;
     ಬಿಸಿಯ ನೆತ್ತರು ಫಲವನೀಯದೆ,
     ಮಲಗೆ ದೇಶ ಜರ್ಜರಿತವು..
ಅವನು ಅಲ್ಲಿರೆ, ಇವನು ಇಲ್ಲಿರೆ
ಅವರು ಎಲ್ಲೋ ಇರುತಿರೆ;
ದೇಶ ಉನ್ನತಿ ಮಾರ್ಗ-
ಕಾಣುವುದೆಲ್ಲಿ ಸಾಧ್ಯ ಗೆಳೆಯರೇ!?
     ಜಡತೆ ಬಿಡುತಲಿ ಧ್ಯೇಯ ನೆಡುತಲಿ,
     ಒಟ್ಟಿಗೇಳುವ ಎಲ್ಲರೂ;
     ಭ್ರಷ್ಟ ಮುಕ್ತದ ದೇಶ ನೋಡಲು
     ಸಮರ ಸಾರುವ ಯೋಧರು,
     ನಾವ್ ಯುವ ಜನಾಂಗದ ಯೋಧರು,
     ಭಾವಿತ ಬರೆಯೆ ಸನ್ನದ್ಧರು.. ಜೈ ಹಿಂದ್